「 过大海 」食餐饱Dining娜

编辑: -
(Presented by UnionPay)

有friend喺外地返香港要谂带佢去食乜,平时同朋友gathering又要谂去边度食,搞到有时大脑、胃口一齐hang机,唔知食乜好。所以呢,啱啱个weekend就同几个朋友「 过大海 搵食」,relax下度下假,顺便搵下澳门有乜嘢好食。无论去边度旅行,都係搵食大过天,平贵唔紧要,最紧要好食。而澳门可爱之处,就係无论食定住,都有大把选择。今次我哋就选择住皇都酒店,见佢位置几好,近大三巴,离码头亦唔远,够晒方便。

咁啱呢排银联卡做紧promo,好多间澳门食肆都有签账优惠,当然要精选其中几间试下。所以,澳门有乜景点啊、买咩手信啊,离不开官也街、英记饼家,唔多讲啦,讲番我强项,食!呢个2日1夜小旅行,主要想试比较正宗嘅葡国菜,由本岛食到去凼仔,食咗唔少好嘢,连皇都酒店嘅餐厅都试埋,仲几有惊喜添!等我一边回味,一边介绍番啦。

佛笑楼3

斋睇个名,唔知佢同「佛跳墙」有无关係,但几肯定至少有3间舖啩?出发前,我就用银联高端卡嘅全球订座热线book咗凼仔呢间试下。睇佢嘅介绍,原来个brand有百几年历史,仲要主打葡国菜,真係估你唔到。最正係个非洲鸡同咖喱炒蟹,鸡应该係烤过,食得出外脆内嫩,个酱又惹味,一流。后者亦係正斗,咖喱够浓、蟹够鲜甜,食上瘾啊。

「 过大海 」食餐饱Dining娜
听讲係葡萄牙人由非洲传入澳门,唔知係咪真係咁複杂,但皮够脆,肉质保持嫩滑juicy,好好食就真嘅。
「 过大海 」食餐饱Dining娜
咖喱加海鲜本来已经係无得输嘅组合,呢度嘅咖喱仲特别香浓,配埋新鲜多肉嘅蟹,认真正。

 

澳门凼仔地堡街181-185号地下

电话:(853)2882 5257

澳门凼仔林记烧烤

唔好俾佢个名fake起,因为佢虽然叫「凼仔林记」,但其实唔喺凼仔,而喺黑沙环新街近劳动节大马路嘅地舖。你会奇怪食烧烤嘢有几特别?一来澳门少呢类BBQ餐厅,二来佢除咗火候十足、粗豪香口嘅烤猪牛羊,居然仲有精巧嘅小菜,呢样係相当惊喜。

「 过大海 」食餐饱Dining娜
识食如我都未搞得清楚花螺係咪即係东风螺,总之呢味就係好螺!简单盐焗,够晒鲜味。
「 过大海 」食餐饱Dining娜
睇佢简朴嘅装修,谂唔到会有巧手小菜,但绝对feel到喺呢度食热辣辣嘅烧烤嘢,会有几好气氛!

 

黑沙环新街298号海滨花园第八座C舖

电话:(853)2845 3615

皇都酒店

花道葡萄牙餐厅

既然住得皇都酒店,当然顺便试埋佢自家嘅餐厅。呢间花道餐厅装修好前卫清新,菜式反而係几正宗嘅传统葡菜,咁嘅matching十分有趣。最正係餐厅会因应唔同料理,为客人推荐相应嘅餐酒,美酒配佳餚,真正係食到最好。

「 过大海 」食餐饱Dining娜
呢道係炒马介休、鸡蛋、薯仔丝,实而不华,几样材料嘅味道配搭得啱啱好。
「 过大海 」食餐饱Dining娜
蟹肉煨麵包配薄切八爪鱼同样要推介,2种海鲜加上开胃嘅sauce,卖相以至味道都係一绝。

 

澳门得胜马路2-4号澳门皇都酒店M楼

电话:(853)2855 2222

 

有关以银联卡消费可享之精选商户优惠,请浏览

你会喜欢下面的文章? You'll like the following article.